لو ما قدرتش تضحك ...ما تدمعش
فكرت قبل كده تسأل نفسك او اى حد تعرفه :
ايه اللى اتكسر جواك؟
ليه بتحس المرارة في طعم اى حاجة بتعملها ؟
واى احساس بتحسه حتى وانت مبسوط وعايش حياتك ...
ليه السعادة منقوصة و نظرة عينك مكسورة ...؟
ليه كل واحد فينا شايل هم قاااااااااد الجبل جواه ؟
و فاكر انه لوحده اللى مطلوب منه يغير الكون ويعدل ميزان العالم المعوج ..
و لما بيزهق و يفقد الامل تلاقيه حط نفسه جوه شرنقة
وقفل على حلمه و مشاكله و اتغيب عن الواقع اللى هو عايشه و انكسر ؟!
ليه متجددش املك من تانى وترمى اللى فات وراك
ليه متقمش من تانى و تعتبر كل اللى حصل مات
ليه متعقدش مع نفسك وتريح قلبك ولو ل ساعة
اقولك على اقل حاجة ممكن تعملها
انك لو مقدرتش تضحك .. ياريت حقيقي ماتدمعش
الإثنين ديسمبر 28, 2009 4:23 am
