Mostafa Hussien The General Manger
العمر : 32 تاريخ التسجيل : 05/09/2009 عدد المساهمات : 2775 الاوسمه :
| موضوع: حوار بين واحد بارد وخطيبته الجمعة سبتمبر 11, 2009 10:01 pm | |
| ]بسم الله الرحمن الرحيم
هو و هى مشيين على الكورنيش .. الجو حار .. الشمس محرقة
هي : عطشانة
هو : وأنا كمان
هي : يعنى ... عايزة اشرب هو : أكيد مادام عطشانة يبقى عايزة تشربي هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة
هو : ومين اللي هيحاسب ؟؟
هي : أنت طبعاً هو : منين ياحسرة .. ماانتى عارفة الكانز وغطاه
هي : ماقلتش عايزة كانز .. كفاية إزازة صاروخ
هو : طب لو هاتجيبى اعزمينى معاكى .
هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟
هو : عندك الكورنيش كله .. اختاري الرصيف اللي يعجبك
هي : قصدي تعزمنى في مكان شاعري
هو : في الحر ده .. ماينفعش
هي : بلاش دى .. نأخد مركب عالكورنيش
هو : المراكب بتغرق اليومين دول .. خلينا ع البر أحسن
هي : بلاش المركب تعالى نأكل ترمس .. أظن ده رخيص
هو : إنتى تضمني منين إن الراجل غاسل إيده وغاسل الترمس
هي : أعوذ بالله .. إنت مقفلها كده ليه ؟؟
هو : بصراحة معييش فلوس
هي : يا سلام!! .. ماأنت كان معاك إمبارح هو : إمبارح دخلت السينما مع بنت حلوة كده فالفلوس خلصت
هي : بنت حلوه ؟؟!! وبتقولها في وشى هو : أكذب عليكى يعنى هي : لأ .. تحرق دمى أحسن
هو : أنا مش شامم ريحه شياط يعني
هي : يخرب بيت البرود
هو : برود إيه ؟؟ ماهو الجو مولع أهو
هي : إنت اللي بارد
هو : بارد إزاى ؟؟ دا أنا بشُر عرق
هي : بقولك إيه .. روحنى
هو : أروحك ؟! هو إنتى ماتعرفيش تروحي لوحدك
هي : آآآآه .. طب أنا ماشية
هو : ليه يا حبيبتي؟؟
هي : حبك برص
هو : والله البرص بيفهم عشان حبني هي : بجد كده كتير
هو : كتير إيه ؟؟
هي : إرحمنى .. واضح إن الحر بيجى معاك بالعكس .. يا بارد
هو : يعنى مصممة تمشى ؟؟ هي : أيوة وحالاً كمان
هو : طب استني لما نوصل آخر الشارع هي : اشمعنى ؟؟
هو : أصل أنا ساكن هناك .. و مايرضكيش أروح لوحدى
هي : لااااااااااااااااااااا | |
|
الكابتن عضومميز
تاريخ التسجيل : 11/09/2009 عدد المساهمات : 17 الاوسمه :
| موضوع: رد: حوار بين واحد بارد وخطيبته الأربعاء سبتمبر 23, 2009 11:36 pm | |
| ههههههههههههههههههههههههههههههههههههههههه دا بارد برود مش عند حد دا ربنا ادالة البرود علشان يوزعة على الناس طمع فية لوحدة الف شكر يا زملكاوى | |
|
Mostafa Hussien The General Manger
العمر : 32 تاريخ التسجيل : 05/09/2009 عدد المساهمات : 2775 الاوسمه :
| موضوع: رد: حوار بين واحد بارد وخطيبته الأربعاء سبتمبر 23, 2009 11:39 pm | |
| | |
|
ثوره الصمت عضو ذهبى
العمر : 46 تاريخ التسجيل : 18/09/2009 عدد المساهمات : 638 الاوسمه :
| موضوع: رد: حوار بين واحد بارد وخطيبته الأحد سبتمبر 27, 2009 2:40 am | |
| هههههههههههههههههههه .تسلم يا درش بس بجد عيل رخم الواد دة ههههههههه | |
|